малдың жасын айыру

Зоотехникалық шаралардың бірі. Малдың жасын шамамен тісіне (қой, жылқы), ал сиырдың жасын мүйізіне қарап анықтауға болады. Сиыр буаз кезінде мүйізінің өсуі кенет бояулап, бунақ пайда болады. Жасын анықтағанда, осы бунақ санына сиырдың алғашқы шағылысқа қосылған жасы (1,5 — 2 жас) қосылады. Мысалы, сиыр мүйізінде 2 бунақ болса оның жасы (2 + 2) төртте болғаны.

Малдың жасын тісіне қарап анықтау — сүт тістерінің алмасуына және тұрақты тістері мөрінің қажалуына негізделген. Ірі малда 32 тіс болады. Оның 24-і азу тіс, 8-і күрек тіс. Малдың жасын күрек тісіне қарай анықтайды. 1—5 жаста малдың күрек тісі тозады. Қой — жасында тістен айырылады.